استمارة التخرج

هلوو حبايب اني مهيمن منصور من واسط قضاء الصويرة عمري 20 سنة طالب ادارة واقتصاد وعازف مبتدأ على آلة العود وشاعر شعبي وجان يخلصن الـ29 يوم هلو هاي شنو هاي ماحسيت بالوقت والله العظيم لأن من أجمل التجارب الي عشتهة لأن تعرفت ع شباب وبنات رائعين وألهم مستقبل يخبل أن شاء الله والي خلة التحدي احلا بعد هوة انو تختار الشي الي تحبة انت وتتحدى روحك بي مو شي مفروض عليك يعني ف خلانة كلنة نبدع ورغم الصعوبات والتحديات الي واجهتهة بسبب العمل والدراسة والعود مالتي الي تعبان كلش وتحديت روحي بي انو اعزف أكثر عدد ممكن من المقطوعات والأغاني سماعي فقط بدون الاعتماد على النوتات المقروءة فقط اسمع الأغنية وابقة اتمرن عليهة لحد ما اعزفهة واطلعهة سماعي بس شنو هنا أصابعي توكف وتصير زرك لأن الأوتار مرتفعة والعود بي خلل فني جبير بس ماوكفت استمريت لنهاية التحدي وكلش راضي عن روحي

 واخير شي كلت لازم اعزف واجرب اغني وي إيقاع حتلو صوتي فاول بس سمعوا غصبا عليكم خوش 😂 😂 وصدك وصلت لهاي المرحلة عزفت وغنيت وي إيقاع وطلع شي كلش حلو اما بالنسبة للشعر خلال فترة التحدي كتبت ٨ قصائد بين العمودي والتفعيلة والحمد لله نتائج التحدي كلش تخبل وراضي عن روحي واتمنى افوز بالسفرة لأن تركيا همة رواد في صناعة العواد والآلات الموسيقية بانواعها ف اتمنى اكدر اختلط بيهم واعرف عنهم وعن ثقافتهم وي الموسيقى وصناعة الالات الموسيقية وان شاء الله بقادم الايام اكون اتقنت العود وهدفي هوة انو اوصل مرحلة اي اغنية تنطلب مني كبل اعزفهة بدون الاستعانة بالنوتات والشعر أن شاء الله اوصل بي مرحلة طيبة وتشوفوني ع المنصات ومتاكد من هل شي وكل الحب والتقدير والاحترام الك يامرتضى وإلى كل من سعى وتعب في سبيل نجاح هذا التحدي وان شاء الله مو آخر تحدي هذا لأن ثبت نجاحة 3 لوريات حب الكم ولجميع المشتركين وهاكم هذا الفيديو شوفو 😂