اهلا بيكم اني مهيمن منصور من واسط قضاء الصويرة عمري 20 سنة طالب ادارة واقتصاد دخلت بهذا التحدي حتة اطور روحي بعزف الة العود وحتة اوصل مرحلة جديدة وأقوى بهل كم يوم رغم الصعوبات الي واجهتني بالعود مالتي لأن تعبان وحتة الأستاذ مالتي كال متكدر تتعلم ارجع جيب غير عود بس اني ماقبلت واصريت وكتلة علمني والباقي علية وخلال 3 أشهر كدرت اعبر بمستواي متعلمين وياي صارلهم سنة واعوادهم جيدة واني بهذا عودي التعبان وعبرتهم وان شاء الله اطور بعد واعزف مقطوعات أصعب
واختاريت الموسيقى وتحديداً العود لأن الموسيقى العربية والي يمثلها العود بيهة شجن خاص وسلطنة مؤنسة للروح وحب جبير خلاني اتعلق أكثر وأكثر بيهة وان شاء الله اطور بعد واعزف مقطوعات أصعب واعتمد ع اذني وما اعتمد كليا ع النوتات الموسيقية وان شاء الله القادم أفضل وراح يعجبكم.استمارة التخرج
هلوو حبايب اني مهيمن منصور من واسط قضاء الصويرة عمري 20 سنة طالب ادارة واقتصاد وعازف مبتدأ على آلة العود وشاعر شعبي وجان يخلصن الـ29 يوم هلو هاي شنو هاي ماحسيت بالوقت والله العظيم لأن من أجمل التجارب الي عشتهة لأن تعرفت ع شباب وبنات رائعين وألهم مستقبل يخبل أن شاء الله والي خلة التحدي احلا بعد هوة انو تختار الشي الي تحبة انت وتتحدى روحك بي مو شي مفروض عليك يعني ف خلانة كلنة نبدع ورغم الصعوبات والتحديات الي واجهتهة بسبب العمل والدراسة والعود مالتي الي تعبان كلش وتحديت روحي بي انو اعزف أكثر عدد ممكن من المقطوعات والأغاني سماعي فقط بدون الاعتماد على النوتات المقروءة فقط اسمع الأغنية وابقة اتمرن عليهة لحد ما اعزفهة واطلعهة سماعي بس شنو هنا أصابعي توكف وتصير زرك لأن الأوتار مرتفعة والعود بي خلل فني جبير بس ماوكفت استمريت لنهاية التحدي وكلش راضي عن روحي واخير شي كلت لازم اعزف واجرب اغني وي إيقاع حتلو صوتي فاول بس سمعوا غصبا عليكم خوش 😂 😂 وصدك وصلت لهاي المرحلة عزفت وغنيت وي إيقاع وطلع شي كلش حلو اما بالنسبة للشعر خلال فترة التحدي كتبت ٨ قصائد بين العمودي والتفعيلة والحمد لله نتائج التحدي
تعليقات
إرسال تعليق